Үйлдлийн олон улсын ангилал (ҮОУА)-д суурилан Хөгжлийн бэрхшээлтэй иргэний  хөдөлмөрлөх чадварт үнэлгээ хийх арга хэрэгсэл сургалтыг 02 дугаар сарын 26-28-ны өдрүүдэд зохион байгууллаа.

Сургалтад:

-Хөдөлмөр, нийгмийн хамгааллын яам

-Эрүүл мэндийн яам

-Боловсролын яам

-Хөгжлийн бэрхшээлтэй хүний хөгжлийн ерөнхий газар

-Архангай, Дундговь, Дорнод, Завхан, Ховд, Хөвсгөл аймгуудын Хөгжлийн бэрхшээлтэй хүний хөгжлийн төв, тус аймгууд

-Дархан-Уул аймгийн эрүүл мэндийн магадлалын зөвлөлийн гишүүд

-Улаанбаатар хотын 8 дүүргийн Эрүүл мэндийн магадлалын зөвлөлийн гишүүд хамрагдлаа.

Сургалтаар “Хөгжлийн бэрхшээлийг тодорхойлох үнэлгээнд  Үйлдлийн олон улсын ангилал (ICF) -ын аргачлал”-ыг ашиглах чиглэлээр  нэгдсэн ойлголт, мэдлэгтэй болох, хөгжлийн бэрхшээлийг цогц байдлаар үнэлж тодорхойлох аргачлалд суралцах, үнэлгээний хэрэгслүүдийг ашиглах, цогц дэмжлэгийн үйлчилгээг тодорхойлж сурах ур чадварыг эзэмшиж дадлага ажлаар үнэлгээнд оролцогчдын зөвшөөрлөөр 12 хөгжлийн бэрхшээлтэй хүнд үнэлгээ хийж сургалтаар эзэмшсэн мэдлэгээ бататгав.