ҮСХ-ны мэдээгээр манай улсад нийт хүн амын 3.3 хувь буюу 115,115 хөгжлийн бэрхшээлтэй иргэн байгаа бөгөөд эдгээр хөгжлийн бэрхшээлтэй иргэдийн 90.7 хувь нь буюу 96.3 мянга нь хөдөлмөрийн насны хөгжлийн бэрхшээлтэй иргэн байна. Үүнээс 30 гаруй хувь нь хөдөлмөр эрхэлж байгаа нь хангалтгүй үзүүлэлт юм.  

Иймд НҮБ-ын Хөгжлийн Хөтөлбөрийн “Монгол Улсад тогтвортой хөгжлийн зорилготой уялдсан төсвийн төлөвлөлтөөр хөдөлмөр эрхлэлтийн шинэчлэлийг дэмжих нь” төсөлтэй хамтран ажил олгогч байгууллагуудын удирдлага, хүний нөөцийн менежер болон 50 гаруй албан хаагчдад хөгжлийн бэрхшээлийн талаарх ойлголт хандлага, хөгжлийн бэрхшээлийн талаарх төрөөс баримтлах бодлого үйл ажиллагаа,  салбар дундын уялдаа холбоог сайжруулах, хөдөлмөрийн тухай хуулийн 144 дүгээр зүйлийн хэрэгжилт, ажлын байрны дадлагажуулагчийн үйл ажиллагааны ач холбогдлын  талаарх сургалтыг амжилттай зохион байгууллаа.

Тус  сургалтад Хөгжлийн бэрхшээлтэй хүний хөгжлийн ерөнхий газрын дарга  Ц.Нямсүрэн, НҮБ-ын холбогдох мэргэжилтнүүд болон бусад албаны хүмүүс мэдээлэл хийж оролцлоо.