НҮБ -аас жил бүрийн 12 дугаар сарын 03–ны өдрийг Хөгжлийн   бэрхшээлтэй хүний эрхийг хамгаалах Олон улсын өдөр болгон жил бүр тэмдэглэж өнгөрүүлэхийг бүх гишүүн орнууддаа уриалсан байдаг. 2019 оны энэ өдрийг “Хүртээмжтэй ирээдүй” уриан дор зохион байгуулж байгаа бөгөөд 2019 оны 11 дүгээр сарын 28-ны өдөр Хөгжлийн бэрхшээлтэй хүний хөгжлийн ерөнхий газар, Монгол Улсын Их Сургуультай хамтран оюутны “Парламентийн  мэтгэлцээн”-ийг 3 дах жилдээ амжилттай зохион байгууллаа.

Уг мэтгэлцээнд МУИС-ийн мэтгэлцээний клубын 8 багийн 16 оюутан оролцож, өөрсдийн оюун мэдлэг, авъяас, илтгэх ур чадвараар өрсөлдлөө. Оролцогчдын хөгжлийн бэрхшээлийн салбарын болон хөгжлийн бэрхшээлтэй хүний эрх, оролцоо, хөгжлийн талаарх мэдлэг ойлголт урьд жилүүдээс илүү нэмэгдсэн, асуудлыг нарийвчлан хэлэлцэж, зөв шийдлүүдийг гарган, түүнийгээ оновчтой хамгаалан мэтгэлцэж байгаа нь шүүгчдийн анхаарлыг татаж байлаа.

                                                                      Шилдэг 4 багаар:

                                                                      1-р байранд “Best 1” баг,

                                                                      2-р байранд “Idea” баг,

                                                                      3-р байранд “Negrem” баг,

                                                                      Тусгай байранд “Moral” баг тус тус шалгарч шагнагдлаа.

Хөгжлийн бэрхшээлийн салбарын талаарх олон асуудлуудыг хөндөн  хэлэлцүүлснээр оюутан залуусын бүтээлч сэтгэлгээг хөгжүүлэх, тэднийг нийгэмдээ хувь нэмрээ оруулах идэвхтэй иргэн болгон төлөвшүүлэх, хөгжлийн бэрхшээлтэй хүнд тулгамдаж буй асуудлуудыг судалж, ойлгох, тэдэнд тулгамддаг бэрхшээлийн шийдлийг олох, өөрийн санаа бодлоо чөлөөтэй илэрхийлэх, бусдын үзэл бодлыг ойлгож, хүндэтгэх, хамтын ажиллагаа харилцааны чадваруудыг хөгжүүлэх ач холбогдолтой юм.