НҮБ-ын Ерөнхий ассамблейгаас жил бүрийн 12 дугаар сарын 3-ны өдөр “Хөгжлийн бэрхшээлтэй иргэдийн эрхийг хамгаалах өдөр” болгон зарлаж Дэлхий нийтээрээ 20 гаруй жил тэмдэглэж ирсэн.

НҮБ-аас бүх гишүүн орнууддаа 2019 оны 12 дугаар сарын 03-ны өдрийг “Хүртээмжтэй ирээдүй” уриан доор тэмдэглэн өнгөрүүлэхийг уриалсан байна. Энэхүү өдрийг угтан хөгжлийн бэрхшээлтэй суралцагчдын нийгмийн идэвхи оролцоог сайжруулах, тэдний мэргэжлийн ур чадварыг нэмэгдүүлэх, олон нийтэд таниулах, үнэлж урамшуулах, авьяас чадварыг  нь нээн хөгжүүлэх зорилгоор Хөгжлийн бэрхшээлтэй хүний хөгжлийн ерөнхий газар нь Мэргэжлийн боловсрол, ур чадвар олгох сургуультай хамтран суралцагчидын дунд “Мэргэжлийн ур чадварын уралдаан”-ыг  амжилттай зохион байгууллаа.

Уралдааныг “Гар утас, телефон аппаратын засварчин”,  “Сийлбэрчин” гэсэн 2 мэргэжлийн төрлөөр зохион байгуулан нийт 18 хөгжлийн бэрхшээлтэй суралцагчид оролцож өөрсдийн авьяас билэг, мэдлэг ур чадвараараа өрсөлдөж  Сийлбэрчин мэргэжлийн төрөлд: 1-р байр- Мөнхбаатар, 2-р байр Шижирмөнх, 3-р байр Ган-Эрдэнэ, Гар утас, телефон аппаратын засварчин мэргэжлийн төрөлд: 1-р байр Ю.Лхагважав, 2-р байр Т.Батбаяр, 3-р байр Ч.Мягмарсүрэн нар тус тус шалгарсан байна.

Цаашид  мэргэжлийн ур чадварын уралдааныг жил бүр мэргэжлийн төрлийг нэмэгдүүлж илүү өргөн хүрээтэйгээр зохион байгуулж байхаар санал бодлоо солилцлоо.