Монгол Улс дахь ХБИ-ийн хөдөлмөр эрхлэлтийг дэмжих төсөл нь ХБИ-д чиглэсэн ажил олголтын нөхцөл байдлыг сайжруулах, ХБИ ажилд ороход дэмжлэг үзүүлэх хүний нөөц буюу ажлын байрны дадлагажуулагч бэлтгэх чиглэлээр үйл ажиллагаа явуулж байна.

Ажлын байрны дадлагажуулагч нь ХБИ болон ААНБ-д аль алинд нь дэмжлэг үзүүлж, тэдгээрийн хооронд гүүрэн холбоосын үүргийг гүйцэтгэдэг. Мөн ХБИ-ийн хөдөлмөрийн зах зээл дэх тогтвортой хөдөлмөр эрхлэлтийг дэмжихийн тулд ААНБ-уудын хандлага, ойлголтыг өөрчлөх, ажлын байрыг тохирох хэрэглэгдэхүүнээр хангах аргачлалын талаар ойлголт өгөх чиг үүрэгтэй ажилладаг.

ХБИ-ийн хөдөлмөр эрхлэлтийг сайжруулахад ААНБ-ын ойлголт, хандлага маш чухал нөлөөтэй. Тиймээс тус төслийн хүрээнд “ААНБ-уудад зориулсан нөлөөллийн семинар”, “ААНБ-уудад нөлөөлөх хүний нөөцийг бэлтгэх сургалт”-ыг тус тус зохион байгуулж байна.

Энэ удаа 2023 оны 4-р сарын 19-нд “ААНБ-уудад зориулсан 8 дахь удаагийн нөлөөллийн семинар”, 20,21-ний өдрүүдэд “ААНБ-уудад нөлөөлөх хүний нөөцийг бэлтгэх 2 дахь удаагийн сургалт”-ыг тус тус зохион байгуулахаар төлөвлөж  байна.

ААНБ-уудад нөлөөллийн сургалт хийх сонирхолтой, 3 өдрийн сургалтад хамрагдсаны дараа цаашид төсөлтэй хамтран ажиллах хүсэл эрмэлзэлтэй ХБИ-ийг тус сургалтад оролцуулахаар сонгон шалгаруулна.

1. Хэзээ

4-р сарын 19 (лхагва)-ний өдрөөс 4-р сарын 21 (баасан)-ний өдрийг хүртэл нийт 3 өдөр

(※4-р сарын 19-ний нд “ААНБ-уудад зориулсан 8 дахь удаагийн нөлөөллийн семинар”-т ажиглагчаар, 20, 21-ний “ААНБ-уудад нөлөөлөх хүний нөөцийг бэлтгэх 2 дахь удаагийн сургалт”-д оролцогчоор бүрэн хамрагдах)

2. Хаана

Япон Монгол төв

3. Зорилго

Хувийн хэвшлийн ААНБ-уудын ХБИ-ийн хөдөлмөр эрхлэлтийн талаарх ойлголт, хандлагыг өөрчлөх зорилгоор “ААНБ-уудад зориулсан нөлөөллийн семинар”-ыг зохион байгуулах дотоодын хүний нөөц (ХБИ)-ийг бэлтгэх. 

4. Хөтөлбөр

1. Оролцогчдын тоо

   Нийт 20 хүн (ХБИ) 

2. Оролцогчдод тавигдах шаардлага

1) 3 өдрийн сургалтад бүрэн хамрагдах боломжтой байх. Хэсэгчилж оролцох, онлайнаар хамрагдах боломжгүй. (заавал) 

2) Тус сургалтад оролцох зөвшөөрлийг байгууллагын удирдлагаасаа авсан байх. (заавал)  

3) ХБИ, ХБИ-ийн хөдөлмөр эрхлэлтийг дэмжих чиглэлээр 1-ээс дээш жил ажилласан туршлагатай байх. (заавал) Тус салбарт 5-аас дээш жил ажилласан, хөдөлмөр эрхлэлтийг дэмжих чиглэлээр тодорхой туршлагатай байвал давуу тал болно.  

3. Сонгон шалгаруулалт

 Шалгаруулалт хийх арга, хуваарь

• 4/7   (баасан）Бүртгэлийн сүүлийн өдөр
• 4/11（мягмар） Ярилцлага（Онлайн）
• 4/13（лхагва）Сургалтад оролцогчдын сонгон шалгаруулалтын дүнг гаргаж, мэдээлэл хүргүүлэх

Хэрхэн бүртгүүлэх тухай

 Доорх линкээр орж, шаардлагатай мэдээллүүдийг бөглөж илгээнэ үү. 

 4-р сарын 7 (баасан)-ны 17:00 цагаас хойш ирүүлсэн материалыг хүлээж авахгүй.

 Бүртгэлийн линк: https://docs.google.com/forms/d/1r_FdJYQNRGcL8W7JnekY4tM7CmSbdeoVUEteZQIcr68/edit

Тодруулах зүйл гарвал доорх хаягаар холбоо барина уу.

• Имэйл хаяг: dpub.jica@gmail.com
• Гар утас: 9401-6409 (Ц.Одгэрэл), 9401-6402 (Х.Энхжин)