Ажлын байрны дадлагажуулагчийн үйл ажиллагааны хэрэгжилтийг гэрээлэн гүйцэтгэх аж ахуйн нэгж, төрийн бус байгууллагыг сонгон шалгаруулах зарлал

2024.03.26

Хөгжлийн бэрхшээлтэй хүний хөгжлийн ерөнхий газар Хөдөлмөр эрхлэлтийн Үндэсний зөвлөлийн 2024 оны 02 дугаар сарын 23–ны өдрийн 1 дүгээр тогтоолын нэгдүгээр хавсралтаар батлагдсан  Хөгжлийн бэрхшээлтэй иргэдийн хөдөлмөр эрхлэлтийг дэмжих үйл ажиллагааны 4.1 дахь заалт, Хөдөлмөр, Нийгмийн хамгааллын сайдын 2023 оны 02 дугаар сарын 28-ны өдрийн А/39 тоот тушаалын долоодугаар бүлгийн Хөгжлийн бэрхшээлтэй хүний хөдөлмөр эрхлэлтийг дэмжих цогц арга хэмжээний хэрэгжилтийг зохицуулах аж ахуйн нэгж, төрийн бус байгууллагуудыг сонгон шалгаруулалтыг зохион байгуулах тул оролцогчдыг урьж байна.

Хамрах хүрээ:

1. Нийслэл, Дархан, Ховд, Дорнод аймгуудад Хөгжлийн бэрхшээлтэй иргэний эрхийг хамгаалах чиглэлээр үйл ажиллагаа явуулдаг, ажлын байрны дадлагажуулагчийн сургалтад хамрагдан сертификат авсан дадлагажуулагчтай төрийн бус байгууллага  
2. Нийслэл, Дархан, Ховд, Дорнод аймгуудад үйл ажиллагаа явуулдаг, ажлын байрны дадлагажуулагчийн сургалтад хамрагдан сертификат авсан дадлагажуулагчтай ажил олгогч байгууллага нь

Аж ахуйн нэгж, төрийн бус байгууллагуудын ажлын байрны дадлагажуулагчид тавигдах шаардлага:

• Ажлын байрны дадлагажуулагч бэлтгэх сургалтад хамрагдсан байх
• Хөгжлийн бэрхшээлтэй иргэнтэй ажиллаж байсан туршлагатай;
• Бүрэн дунд болон түүнээс дээш боловсролтой;
• Хөгжлийн бэрхшээлийн талаарх ойлголттой, энэ талаар сургалтад хамрагдсан, хөгжлийн бэрхшээлийн хэлбэр, түүнд тохирсон хэрэгцээ шаардлагын талаар мэдлэг, туршлагатай;
• Компьютерийн хэрэглээний Word, PowerPoint, Excel программыг ашиглан илтгэл тавих, тайлан бичих чадвартай;
• Багаар ажиллах, бусдыг манлайлах чадвартай;
• Хөгжлийн бэрхшээлтэй иргэнд тухайн ажлын байранд шаардагдах ур чадвар, техникийг үлгэрлэх замаар сургах чадвартай байх,
• Өөрийн ажлын байранд зуучлахаар сонгосон хөгжлийн бэрхшээлтэй иргэний нөхцөл байдал, ур чадвар, хэрэгцээ шаардлагын талаарх мэдээллийг ажил олгогчдод ойлгуулах, түүнийгээ тайлбарлах чадвартай.

Аж ахуйн нэгжийн бүрдүүлэх баримт бичиг       

1. Хөгжлийн бэрхшээлтэй хүний хөгжлийн ерөнхий газарт хандсан албан хүсэлт
2. Байгууллагын улсын бүртгэлийн гэрчилгээний хуулбар
3. Ажлын байрны дадлагажуулагчаар ажиллах ажилд дадлагажуулагчийн анкет
4. Байгууллагын үйл ажиллагааны тайлан
5. Хөгжлийн бэрхшээлтэй иргэнийг ажлын байраар ханган дадлагажуулах ерөнхий төсөл, төлөвлөгөө
6. 2022-2023 оны аудитын баталгаажсан санхүүгийн тайлан
7. Байгууллагын үндсэн үйл ажиллагааны сүүлийн хоёр жилийн тайлан

Төрийн бус байгууллагын бүрдүүлэх баримт бичиг           

1. Хөгжлийн бэрхшээлтэй хүний хөгжлийн ерөнхий газарт хандсан албан хүсэлт
2. Байгууллагын улсын бүртгэлийн гэрчилгээний хуулбар
3. Ажлын байрны дадлагажуулагчаар ажиллах ажилд дадлагажуулагчийн анкет
4. Хөгжлийн бэрхшээлтэй иргэнийг ажлын байраар хангах, дадлагажуулах, ажил олгогчийн судалгаатай байх.
5. Хөгжлийн бэрхшээлтэй иргэнийг ажлын байраар ханган дадлагажуулах ерөнхий төсөл, төлөвлөгөө
6. 2022-2023 оны  аудитын баталгаажсан санхүүгийн тайлан
7. Байгууллагын үндсэн үйл ажиллагааны сүүлийн хоёр жилийн тайлан

Ажлын байрны дадлагажуулагчтай аж ахуйн нэгж, төрийн бус байгууллагуудын баримт бичиг, материалыг 2024 оны 04 дугаар сарын 16-ны өдрийн 10.00 цагаас өмнө хүлээн авна.

Хаяг: Сүхбаатар дүүргийн 7-р хороо, Эрхүүгийн гудамж, Хөгжлийн бэрхшээлтэй хүний хөгжлийн ерөнхий газар, Бодлогын хэрэгжилтийн газар 3 давхарт 302 тоот

Утас: 77073000