2023 оны 3-р сарын 3

“Ажлын байрны дадлагажуулагч бэлтгэх анхдугаар сургалт”-ын удирдамж

Монгол Улсын Засгийн газар Японы олон улсын хамтын ажиллагааны байгууллага /ЖАЙКА/-тай хамтран “Хөгжлийн бэрхшээлтэй иргэдийн хөдөлмөр эрхлэлтийг дэмжих тогтолцоог бэхжүүлэх төсөл (DPUB2)”-ийг 2021 оны 2 дугаар сараас 2025 оны 1 дүгээр сар хүртэл хэрэгжүүлж байна. Тус төсөл нь ХБИ-ийн хөдөлмөр эрхлэлтэд дэмжлэг үзүүлэн ажиллах ажлын байрны дадлагажуулагчийн үйл ажиллагааны төлөвлөгөөг боловсруулан, хэрэгжилтийг хангах, ажлын байрны дадлагажуулагч болон бусад холбогдох хүний нөөцийг хөгжүүлэх, хөдөлмөр эрхлэлтийг дэмжигч байгууллагуудад зориулсан санхүүгийн дэмжлэг үзүүлэх тогтолцоог бэхжүүлэх, ААНБ-д нөлөөлөх, ХБИ-ийн хөдөлмөр эрхлэлтэд чиглэсэн арга хэмжээг авч хэрэгжүүлнэ.  

Энэ хүрээнд “Ажлын байрны дадлагажуулагч бэлтгэх анхдугаар сургалт”-ыг доорх хөтөлбөрийн дагуу зохион байгуулна. ХБИ-ийн хөдөлмөр эрхлэлтийг дэмжих чиглэлээр ажиллаж буй, цаашид үргэлжлүүлэн ажиллах сонирхолтой хүмүүс хамрагдах боломжтой.  

1. Зорилго: ХБИ-ийн хөдөлмөр эрхлэлтийг дэмжин ажиллах ажлын байрны дадлагажуулагчийг бэлтгэнэ. Ажлын байрны дадлагажуулагч гэдэг нь хөдөлмөрийн зах зээлд ХБИ-ийн хөдөлмөр эрхлэлтийг дэмжих зорилгоор ААНБ болон ХБИ-ийг холбон зуучилж, талуудад дэмжлэг үзүүлэх мэргэшсэн ажилтан юм.
2. Хугацаа: 3 дугаар сарын 27 (Даваа) – 30 (Пүрэв ), нийт 4 өдөр
3. Зохион байгуулагдах газар: Холидэй Инн зочид буудлын 2 дугаар давхрын хурлын танхим
4. Үр дүн: Сургалтад хамрагдаж, гэрчилгээ авсан хүмүүс ХБХХЕГ-аас хэрэгжүүлэх “Ажлын байрны дадлагажуулагчийн хөдөлмөр эрхлэлтийг дэмжих үйлчилгээ”-ий төслийн сонгон шалгаруулалтад хамрагдах эрхтэй болно.
5. Хөтөлбөр:

【Даваа】Лекц

 【Мягмар】Лекц, дасгал ажил

 【Лхагва】Лекц, дасгал ажил

 【Пүрэв】Лекц, дасгал ажил

6. Оролцогчид:

Энэ удаагийн сургалтад зөвхөн Улаанбаатар хотын оролцогчдыг хамруулна. ТББ, хувийн хэвшлийн ААНБ, хөдөлмөрийн биржүүдээс нийт 36 хүн оролцоно. Үүнээс:

1. ТББ, хөдөлмөр эрхлэлтийг дэмжигч байгууллага, хөдөлмөрийн бирж – 28 хүн   
2. Хувийн хэвшлийн байгууллагууд – 6 хүн
3. Төрийн албан хаагч – 2 хүн (*сонгон шалгаруулалтыг тусад нь хийнэ)

7. Тавигдах шаардлага:

1. 4 өдрийн сургалтад бүрэн хамрагдах (хэсэгчлэн болон онлайнаар оролцохыг зөвшөөрөхгүй).
2. ХБИ-ийн хөдөлмөр эрхлэлтэд дэмжлэг үзүүлэх ажлын байрны дадлагажуулагчийн үйлчилгээг хэрэгжүүлж буй, эсвэл цаашид ажиллах төлөвлөгөөтэй байх.
3. Харьяа байгууллагын удирдлагаас сургалтад бүрэн хамрагдах зөвшөөрлийг албан бичгээр авсан байх.
4. ХБИ-ийг дэмжих / хөдөлмөр эрхлэлтийг дэмжих чиглэлээр 1-ээс дээш жил ажилласан туршлагатай байх (заавал).

Жич: ТББ-ын хувьд тус салбарт 5-аас дээш жил үйл ажиллагаа явуулсан туршлагатай, ажлын байрны дадлагажуулагчийн анхан шатны семинарт хамрагдсан бол давуу тал болно.

8. Хэрхэн бүртгүүлэх тухай:

    Шалгаруулалт хийх арга, хуваарь

• 2023.03.10 (Баасан), 17:00 цаг хүртэл материал хүлээж авна.
• 2023.03.13 (Даваа)-нд бичиг баримтын шалгаруулалт хийнэ. Шаардлагатай тохиолдолд онлайнаар ярилцлага хийнэ.
• 2023.03.15 (Лхагва)-нд сонгон шалгаруулалтын хариуг мэдэгдэнэ.

    Бүртгүүлэх арга, холбогдох хаяг

• Доорх линкээр нэвтэрч, шаардлагатай мэдээллүүдийг бөглөнө үү. Хугацаа хэтэрсэн материалыг хүлээж авахгүй.

    Бүртгэлийн маягт：https://forms.gle/6GjZQvaxfmhkv8pn6

  Тодруулах зүйл гарвал дараах хаягаар холбогдоно уу.

Имэйл хаяг: dpub.jica@gmail.com

  Утасны дугаар: 94016406 (Г.Амаржаргал)

                 94016402 (Х.Энхжин)

ХНХЯ

DPUB2 төсөл