7 дахь жилдээ зохион байгуулагдаж байгаа эрдэм шинжилгээний хурал нь хөгжлийн бэрхшээлтэй иргэдийн эрхийг хамгаалах олон улсын өдрөөр “Хөгжлийн бэрхшээл судлал ба инноваци-2020” сэдвийн хүрээнд цахим хэлбэрээр зохион байгуулагдлаа.

Эрдэм шинжилгээний хуралд жил бүр шинээр судалгаа, шинжилгээний ажлыг эхлүүлж өөрсдийн шинэ санаа, оюун ухаанаа уралдуулан идэвхтэйгээр оролцсон  нийт багш, эрдэмтэн, судлаач, мэргэжилтэн, оюутан залуустаа талархал илэрхийлье.

Тус хуралд нийт 60 гаруй судалгааны өгүүлэл ирснээс шилдэг 8 илтгэлийг цахимаар хэлэлцүүлж дууслаа. Салбар салбараа төлөөлөн 7 шүүгчдийн санал нэгдэж дараах байдлаар 4 байр эзлүүлснийг ХБХХЕГ-н дарга Э.Тамир танилцууллаа. Үүнд:

I байранд:  Боловсролын тогтолцоон дахь зорилтод бүлгийн сурагчид Монгол Улсын жишээ дээр –Х.Сансармаа
II байранд: Хөдөлмөрийн чадвар алдалтыг тогтооход олон улсын үйл ажиллагааны ангиллыг (ICF) ашиглах нь: ICF-BSSQ- Э.Насантогтох
III байранд: Тэргэнцэр чирэгчийн загвар – О.Хатанбүүвэй
IV байранд: Тусгай хэрэгцээт боловсролд цахим хичээлийг ашигласан нь – Д.Алтансүх нар нийгмийн чухал сэдвүүдийг хөндөж амжилттай оролцсонд баяр хүргэж цаашдын ажил үйлсэд нь амжилт хүссэн юм.