ХӨГЖЛИЙН БЭРХШЭЭЛТЭЙ ХҮҮХДЭД ҮЗҮҮЛЭХ

БОЛОВСРОЛЫН ТУСЛАМЖ, ҮЙЛЧИЛГЭЭ

Аймаг, дүүрэгт хөгжлийн бэрхшээлтэй хүүхдийг боловсролын байгууллагад холбон зуучлах үүрэг бүхий “Боловсролд хамрагдалтыг дэмжих зөвлөл”-ийг тухайн шатны Засаг даргын тушаалаар байгуулна.

“Боловсролд хамрагдалтыг дэмжих зөвлөл”-ийн бүрэлдэхүүн, хэрэгжүүлэх чиг үүрэг

Боловсролд хамрагдалтыг дэмжих зөвлөлийн бүрэлдэхүүн:

• Тухайн шатны Засаг даргын ажлын албаны төлөөлөл эсхүл Засаг даргын тамгын газрын төлөөлөл /Зөвлөлийн дарга/;

• Тухайн орон нутгийн боловсрол, шинжлэх ухааны асуудал хариуцсан орон нутгийн байгууллагын тэгш хамран сургалт хариуцсан мэргэжилтэн /нарийн бичгийн дарга/;

• Салбар комиссын боловсрол хариуцсан гишүүн;

• Салбар комиссын эрүүл мэнд хариуцсан гишүүн;

• Тухайн орон нутгийн цэцэрлэг, ерөнхий боловсролын сургуулийн удирдлагын төлөөлөл;

• Эцэг эх, асран хамгаалагчийн төлөөлөл багтана.

Хэрэгжүүлэх чиг үүрэг:

• Хөгжлийн бэрхшээлтэй хүүхдийн амьдрал, ахуйн нөхцөл, суралцах онцлог хэрэгцээг судлан хэлэлцэж холбогдох маягтад тэмдэглэх;
• Хүүхдэд шаардагдах эрүүл мэнд, нийгмийн халамж, сэргээн засалтын гэх мэт нэмэлт дэмжлэг, боловсролд хамрагдахад шаардлагатай тохирох хэрэглэгдэхүүнийг тодорхойлж холбогдох үйлчилгээнд хамруулах зохицуулалт хийх;
• Эцэг эх, асран хамгаалагчийн хүсэлт, эрүүл мэндийн байдал, хөгжлийн онцлогийг харгалзан боловсролд  хамрагдах сургалтын байгууллага, суралцах арга хэлбэрийг сонгох;

Хөдөлмөр, нийгмийн хамгааллын сайд, Боловсрол, шинжлэх ухааны сайд, Эрүүл мэндийн сайдын 2021 оны 12 дугаар сарын 30-ны өдрийн А/220, А/475, A/812 дугаар хамтарсан тушаалаас